One French court don order Paris Saint-Germain (PSG) to pay their former striker, Kylian Mbappe, the sum of €60 million (£52.5m) over unpaid salary and bonuses wey the club still dey owe am.
Mbappe bin drag PSG go Paris labour court for November after serious disagreement waka enter court matter between both parties. The 26-year-old France captain initially demand €263 million (£231.5m) from im former club.
PSG no gree quietly as dem counter-sue Mbappe, demanding €240 million (£211m) in return.
Mbappe, wey now dey play for Real Madrid, talk say the money wey dey involved include €55 million (£46.3m) in unpaid wages, plus damages wey im demand because of contract dispute and alleged ill-treatment from the club.
The court ruling na major win for Mbappe and don add fresh twist to the long-standing gbasgbos between the football star and PSG, just months after im exit from the French champions.
As at the time of this report, PSG never officially react to the court judgement.
No comments:
Post a Comment